ကျွန်တော်

August 6, 2009 (22:15)

နိစ္စဓူဝ ဖုန်းအသံကို
မကြားမဖြစ် နားကိုစွင့်လို့
အားအင်သစ်တွေ မွေးခဲ့တဲ့
ကျွန်တော်...။

ဖုန်းသံကို ပိတ်
အခန်းမီးကို မှိတ်လို့
အလုံးစုံ တိတ်ဆိတ်
ဆိတ်ဆိတ်သာ နေချင်လာတဲ့
ကျွန်တော်...။

မာနကိုခွာချ ပညာထုတ်ယူ
မောဟကိုပယ် သူချစ်ခင်လို့
ဒေါသဖယ်ခွာ အဆင်ပြေလာတဲ့
ကျွန်တော်...။

ကောင်း မကောင်း ခွဲခြား
အမှန် အမှား စဉ်းစားပြီး
အများ တကာ စိတ်မှာ မရှိ
အားလုံးကို ပစ်ခွာ
ငြိမ်းချမ်းစွာ တစ်ကိုယ်တည်း
ဥပေက္ခာ ပါရမီ နဲ့ နေတဲ့
ကျွန်တော်...။

ခုမှ ဂရုပြုမိလာတဲ့
သာသနာကာလ ၀ါတွင်းပါပ
တရား အဆုံးအမ
ဆင်ခြင်ကြည့်ကာမှ
သြော်....
မေတ္တာထား ကူညီတာလည်း
မြတ်ဗုဒ္ဒရဲ့
အတုမဲ့ စေတနာလမ်းစဉ်
ကျင့်သုံးထိုက်တဲ့ နည်းလမ်းစစ်ပင်
သိမြင်လာခဲ့တဲ့
ကျွန်တော်...။

အားလုံးပဲ စိတ်ရောကိုယ်ပါ
ငြိမ်းချမ်းစွာဖြင့်
လုပ်ကိုင်ရကြ
လုပ်ကိုင်ရှိလည်း အောင်မြင်ပြီးမြောက်
တတ်သိပညာ ကျွမ်းကျင်လှဖို့
စစ်မေးခြင်းတွေ ပြေပါစေကြောင်း
ဆုမွန်ကောင်းပေးနေတဲ့
ကျွန်တော်...။