Let's go together to a better place

စလုံးအစိုးရက သူတို့ နိုင်ငံသားအများစု အင်္ဂလိပ်စာအားနည်းမှန်းသိတယ် လက်လည်းလက်ခံတယ်။ အဲဒါကြောင့် အင်္ဂလိပ်စာ စနစ်တကျ သင်ယူဖို့ ကမ်ပိန်းတွေ လုပ်တယ်၊ ဗော်လန်တီယားတွေ အားကိုးနဲ့ပေါ့။ ကျောင်းတွေမှာ အိမ်တွေမှာလည်း စနစ်တကျပြောဖို့ အားပေးတယ်။

တက္ကသိုလ်အဆင့် မရောက်သေးတဲ့ ကျောင်းတွေကို တက္ကသိုလ် အဆင့်မြှင့်နေပြီ။ နောက်သူတို့ နိုင်ငံသားတွေကို စီမံခန့်ခွဲရေးနေရာတွေကို ပိုချပေးစေတယ်။ အဲဒီပညာရပ်တွေကိုလည်း ဆည်းပူးဖို့ ထောက်ပံ့အားပေးတယ်။

မကြာသေးခင်က အင်္ဂလိပ်စာနဲ့ ပတ်သက်လို့ မြန်မာနဲ့ သူတို့ စလုံးတွေ နည်းနည်းရှုပ်သွားသေးတယ် (အွန်လိုင်းမှာပေါ့)။ မြန်မာတွေ နိုင်သွားခဲ့တယ်။ နိုင်တာက သူတို့ စ ကောက်ချက်ချမှားလို့ သူတို့ ဘာမှ ပြောလို့ သိပ်မရခဲ့တာ။ ဒါပေမယ့် အဲဒီ့ နိုင်တဲ့ အပေါ်မှာ မူးယစ်အထင်ကြီးနေပြီး ကိုယ်တိုင် အင်္ဂလိပ်စာ အစ အသက်မွေးမှု ပညာ၊ အဆင့်မြင့်ပညာတွေ ဆက်မလေ့လာဘဲ နေမယ်ဆိုရင် နောက် လေး ငါး နှစ်မှာ အဘက်ဘက်က ထိုးနှက်မှုတွေကို ခံရလိမ့်မယ်လို့ဆိုချင်တာ။

ရှင်းရှင်းပြောရင် လိုတုန်းတော့ ဈေးနည်းနည်း နဲ့ မတရား လုပ်ခိုင်းပြီး မလိုမှ ကန်ထုတ်တာကြီးကို စာနာစိတ်မရှိလို့ ဘယ်လိုမှ မကြိုက်ဘူး၊ ဒါပေမယ့် လက်မခံလို့လည်း မရဘူး။ ကိုယ့်ဘက်က မပြည့်စုံတောင် ကောင်းနေရင် သူတို့ လုပ်လို့ မရဘူးပေါ့။ သူတို့လည်း ပြောပါတယ်၊ တော်တဲ့သူ ကောင်းတဲ့သူဆိုရင်တော့ ကြိုဆိုပါတယ်တဲ့။ အဲဒီတော့ ပြောဖို့မလိုတော့ဘူး၊ လုပ်ရတော့မှာပေါ့။

Comments

မိုးခါး said…

အင်း
ဟုတ်တာပေါ့
ငါတော့ အီး ညံ့သေးတယ်
တော်တော်ကိုညံ့တာ
(ဘယ်သူမှ ရိုက်မစစ်ပဲ ပြောသွားသည် .. :P)

March 10, 2010 at 5:10 PM

chocothazin said…

ဈေးနည်းနည်းနဲ့ မတရားလုပ်ခိုင်းတယ်ဆိုတာကို နည်းနည်းဆွေးနွေးကြည့်ချင်တယ်။

ဈေးနည်းတယ်ဆိုတဲ့နေရာမှာ သူတို့ လူမျိုး၊ သူတို့ နိုင်ငံသားတွေနဲ့ ယှဉ်တဲ့အခါ အမြဲတမ်းလိုလိုနည်းနေတတ်တာမျိုး။ ဒါကိုလက်ခံတယ်။
ကိုယ်လိုပဲ နိုင်ငံခြားသားတွေ အနေနဲ့ ကိုယ်နဲ့ တန်းတူရနေသလား။ ဒါကိုတော့ ငါ သေချာမသိဘူး။(ငါတို့ ရုံးမှာ ငါတစ်ယောက်ပဲ နိုင်ငံခြားသားရှိတယ် ကျန်တာ စ လုံးတွေပဲ)။

နောက်ထပ်တစ်ခုက ငါ့အနေနဲ့ပညာအပြည့်သယ်လာတယ် ဆိုပါတော့။ ဒါပေမယ့် တစ်ချို့ အပိုင်းတွေမှာ ငါဟာ သူတို့ တွေ လုပ်ငန်းအပေါ်နားလည်သလောက် ငါနားမလည်ဘူး။ ပွင့်ပွင့်လင်းလင်းပြောရရင် အစပိုင်းမှာ သူတို့ လခယူပြီး သူတို့ ဆီကပညာသင်သလိုတောင်ဖြစ်ခဲ့တယ်။ (as for me နော်)ဒါအမှန်ပဲ။
ဒါဟာ လုပ်သက်အနုအရင့်နဲ့လည်း ဆိုင်လိမ့်မယ်။

မလိုမှ ကန်ထုတ်တာမျိုး ဆိုတဲ့နေရာမှာ အလုပ်ရှင်ပေါ်မှာ မူတည်မယ်၊ နောက် ကိုယ့်ရဲ့ အရည်အသွေး (performance) ပေါ်မှာ မူတည်မယ်။

သူက နိုင်ငံခြားသားကို ဖြုတ်မယ်ဆိုတဲ့အတွေးထက် သူ့ လုပ်ငန်းကို အကျိုးပြုမှုပေါ်မှာ နှိုင်းယှဉ်မယ်ထင်တယ် (အထင်သက်သက်ပါ)။ ဘာကြောင့်လဲဆို သူဟာ စီးပွားရေးသမားတစ်ယောက်ဖြစ်နေတယ်လေ။ သူဈေးတွက်တွက်မှာပဲ။

ငါထင်တာတွေ မှားချင်လည်း မှားမယ်။ ငါ့လုပ်ငန်းက သေးပြီး ငါ့အဝန်းကျဉ်းနေတာလည်း ဖြစ်နိုင်တယ်။

ကိုယ့်ဘက်က ပိုင်ပြီဆိုရင်တော့ အောက်ကျခံလို့ တော့မဖြစ်ဘူးပေါ့။ မာနိုင်အောင်လည်း လုပ်ရမယ်။

စာကြွင်း - ကိုယ့်နိုင်ငံသားကို အလေးသာပေးထားတဲ့ နိုင်ငံသားစိတ်ဓါတ်ကိုတော့ ကြိုက်တယ်။

March 10, 2010 at 5:19 PM

Angel Shaper said…

မှန်လိုက်တာ... ကိုဇော်ကြီးရ...
ဟုတ်တယ်....လက်မခံချင်ပဲ လက်ခံနေရတဲ့ အခြေအနေကြားကနေ ကြိုးစားအားထုတ်မှုပြုပြီး ထိုးနှက်ချက်အားလုံးကို အောင်မြင်နိုင်ဖို့၊ မြန်မာဆိုရင် အထင်သေးမခံရဖို့ အတတ်နိုင်ဆုံးကြိုးစားသင့်တာပေါ့။
အင်္ဂလိပ်စာမှမဟုတ်ပါဘူး အစစ အရာရာမှာပေါ့နော်။
ပိုစ့်လေးအတွက် ကျေးကျေးစ် ကိုဇော်ရေ..

March 11, 2010 at 1:41 AM

Libratun said…

:) ငါတစ်ခုမေးမယ်။ အခုတစ်လော Marina Bay Sands, Sentosa World of Resorts တွေဖွင့်ပြီး လုပ်ခနည်း၊ အလုပ်ချိန်များ နိုင်ငံခြားသားတွေကို ပြည်တော်ပြန်ပို့တဲ့ ကိစ္စ ဘာလို့လဲ။ ငါပြောတဲ့ အချက်အလက်တွေက အဆင့်မြင့် ပညာတွေ နဲ့လုပ်ကိုင်တဲ့ သူတွေ နဲ့ သိပ်မဆိုင်ဘူး။ သူတို့မှာ အနိမ့်ပိုင်းက လူတွေနဲ့ ယှဉ်ရင် ပြဿနာ နည်းတယ်။ အောက်ကလူတွေက ၅၀၀ - ၇၀၀ ရနိုင်ပေမယ့် ၃၀၀ - ၄၀၀ နဲ့ လုပ်နေကြရတယ်။ အလုပ်ရှင်တွေ အတွက် ၁၀၀ - ၂၀၀ ဆိုတာ ဘာမှ မပြောပလောက်ဘူး။ဒါပေမယ့် ခံရတဲ့သူရဲ့ အားနည်းချက်တွေကို နင်းပြီး ထပ်ဖိနှိပ်တယ်။ အဲဒါကြောင့် ဒီလိုနိုင်ငံမှာ ရတဲ့လခ သုံးဖြုန်းပြီး မနေသင့်တော့ဘူး။ ငါ့နိုင်ငံသားဘက် ဘက်လိုက်တာတော့ မဟုတ်ပါဘူး။ မမျှတမှုမှာ အားနည်းတဲ့ဘက်ကနေတာပါ။ အမျိုးဖြစ်နေရင်တောင် မမျှမတလုပ်ရင် ငါဝေးဝေးမှာ နေမှာ။

March 11, 2010 at 11:03 AM

kh thura said…

ကောင်းပါတယ် ဆက်လုပ်

March 16, 2010 at 12:33 PM

Unknown said…

This comment has been removed by the author.

April 15, 2010 at 5:10 PM